Hjarta langjökuls

Sleipnir Tours

Hjarta Langjökuls 

Framleiðsluteymi MARS fór með Sleipni upp á Langjökul til að mynda ferðalagið inn í náttúrulegan íshelli sem kallast Neptune. Úr ferðinni varð til öflugt myndefni sem sýnir ekki aðeins stórbrotna náttúru heldur einnig upplifunina sjálfa hjá ævintýraþyrstum ferðalöngum. Ferðina yfir jökulinn sjálfann, risa trukkinn hjá Sleipni og augnablikið og viðbrögð fólks þegar gengið er inn í íshellinn í fyrsta sinn.

Hvernig fangar maður upplifun sem er engu lík?

Íshellirinn er síbreytilegur og aðstæður á jöklinum geta breyst hratt. Verkefnið fólst því í að nýta ferðina sem best og framleiða fjölbreytt myndefni við krefjandi aðstæður án þess að missa sjónar á upplifun gestanna. Veðrið á Íslandi spilar stórt hlutverk og þurftum við að fylgjast vel með veðurspám og tímasetja tökur skv. þeim.

Markmiðið var að skapa ljósmyndir og myndbönd sem:

1. Sýna fegurð og sérstöðu hins náttúrulega íshellis.
2. Miðla ævintýrinu og stærðargráðu Langjökuls.
3. Kynna ferðina á spennandi og ævintýralegan hátt.
4. Skapa efni sem nýtist Sleipni á vef, samfélagsmiðlum og í auglýsingum.
   

Við höfum starfað með Mars Media í nokkur ár og fengum þau í ljósmyndaverkefni sem gekk vonum framar. Myndatökufólkið vann af mikilli fagmennsku og allt skipulag var til fyrirmyndar. Við erum mjög ánægð með útkomuna og mælum hiklaust með þeim.